ਇੰਨੋਸੈਂਟ ਹਾਰਟ ਕਾਲਜ ਆਫ ਐਜੂਕੇਸ਼ਨ ਜਲੰਧਰ ਵਲੋਂ ਯੋਗ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਵਰਕਸ਼ਾਪ ਯੋਗ ਪਾਠ ਸੰਸਥਾਨ ਦੇ ਉੱਘੇ ਯੋਗ ਮਾਹਿਰਾਂ ਦੁਆਰਾ ਕੀਤਾ ਗਿਆ, ਜਿਸ ਵਿੱਚ ਪ੍ਰਧਾਨ ਡਾ. ਵਿਨੋਦ ਕੁਮਾਰ ਪਾਲ ਅਤੇ ਉਪ-ਪ੍ਰਧਾਨ ਅਨੂਦੀਪ ਪ੍ਰਮੁੱਖ ਰੂਪ ਨਾਲ ਪੁੱਜੇ। ਯੋਗ ਆਸਨਾਂ ਦਾ ਪ੍ਰਦਰਸ਼ਨ ਪਹਿਲਾਂ ਮਾਹਿਰਾਂ ਦੁਆਰਾ ਦਿੱਤਾ ਗਿਆ ਅਤੇ ਬਾਅਦ ਵਿੱਚ ਵਿਦਿਆਰਥੀ ਅਧਿਆਪਕਾਂ ਅਤੇ ਅਧਿਆਪਕਾਂ ਨੇ ਇਹ ਆਸਨ ਕੀਤੇ। ਮਾਹਿਰਾਂ ਨੇ ਕਈ ਯੋਗ ਗਤਿਵਿਧੀਆਂ ਅਤੇ ਉਨ•ਾਂ ਦੇ ਲਾਭਾਂ ਬਾਰੇ ਵੇਰਵਾ ਦਿੱਤਾ। ਸਾਹ ਲੈਣ ਦੀਆਂ ਤਕਨੀਕਾਂ ਅਤੇ ਅਭਿਆਸ ਤੋਂ ਬਾਅਦ ਸਾਰੇ ਤਰੋ-ਤਾਜਾ ਮਹਿਸੂਸ ਕਰ ਰਹੇ ਸਨ। ਯੋਗਾ ਆਸਨ ਸੈਸ਼ਨ, ਤਣਾਅਮੁਕਤ ਸੈਸ਼ਨ ਅਤੇ ਸਵਾਲ-ਜਵਾਬ ਦੇ ਨਾਲ ਇੰਟਰੈਕਟਿਵ ਸੈਸ਼ਨ ਵੀ ਸੀ। ਬਾਅਦ ਵਿੱਚ ਵਿਦਿਆਰਥੀ-ਅਧਿਆਪਕਾਂ ਅਤੇ ਅਧਿਆਪਕਾਂ ਨੇ ਮਾਹਿਰਾਂ ਦੇ ਨਾਲ ਯੋਗ ਦਾ ਅਭਿਆਸ ਕੀਤਾ। ਜੀਵਨ ਨੂੰ ਸਿਹਤਮੰਦ ਬਣਾਉਣ ਲਈ ਸੁਝਾਅ ਦਿੱਤੇ। ਪ੍ਰਿੰਸੀਪਲ ਡਾ. ਅਰਜਿੰਦਰ ਸਿੰਘ ਨੇ ਯੋਗਾ ਮਾਹਿਰਾਂ ਦਾ ਧੰਨਵਾਦ ਕੀਤਾ ਅਤੇ ਰੋਜ਼ਾਨਾ ਜੀਵਨ ਵਿੱਚ ਯੋਗਾ ਦੀ ਸਾਰਥਕਤਾ ਨੂੰ ਸਮਝਾਇਆ।