ਇੰਨੋਸੈਂਟ ਹਾਰਟਸ ਦੇ ਚਾਰਾਂ ਸਕੂਲਾਂ ਦੇ ਵਿਦਿਆਰਥੀਆਂ ਨੇ ਇੰਟਰਨੈਸ਼ਨਲ ਲਾਈਫ ਸਕਿੱਲ ਉਲੰਪਿਆਡ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਗਲੋਬਲ ਰੈਂਕ ਹਾਸਿਲ ਕੀਤੇ ਅਤੇ ਸਕੂਲ ਦੇ ਨਾਮ ਨੂੰ ਰੋਸ਼ਨ ਕੀਤਾ ਹੈ। ਪਿਛਲੇ ਦਿਨੀਂ ਆਯੋਜਿਤ ਇਸ ਉਲੰਪਿਆਡ ਵਿੱਚ ਬੱਚਿਆਂ ਨੇ ਬਹੁਤ ਉਤਸ਼ਾਹ ਨਾਲ ਭਾਗ ਲਿਆ। ਇਹ ਪ੍ਰੀਖਿਆ ਆਨ ਲਾਈਨ ਸੀ ਅਤੇ ਹਰੇਕ ਵਿਦਿਆਰਥੀ ਨੂੰ ਉਸਦੀ ਯੂਨੀਕ ਆਈ.ਡੀ. ਦਿੱਤੀ ਗਈ। ਅੰਤਰ-ਰਾਸ਼ਟਰੀ ਪੱਧਰ ਉੱਤੇ ਪ੍ਰੀਖਿਆ ਆਯੋਜਿਤ ਕੀਤੀ ਗਈ ਸੀ। ਇਸ ਮੌਕੇ 'ਤੇ 11 ਵਿਦਿਆਰਥੀਆਂ ਨੇ ਗਲੋਬਲ ਰੈਂਕ ਹਾਸਿਲ ਕੀਤਾ। ਲੋਹਾਰਾਂ ਬ੍ਰਾਂਚ ਤੋਂ ਜੈਸਿਕਾ ਮਹਿਤਾ ਨੇ ਚੌਥਾ ਗਲੋਬਲ ਰੈਂਕ ਪ੍ਰਾਪਤ ਕੀਤਾ ਜੱਦੋਂ ਕਿ ਆਭਾ ਸ਼ਰਮਾ ਨੇ ਦੱਸਵਾਂ ਗਲੋਬਲ ਰੈਂਕ ਪ੍ਰਾਪਤ ਕੀਤਾ। ਗ੍ਰੀਨ ਮਾਡਲ ਟਾਊਨ ਬ੍ਰਾਂਚ ਵਿੱਚ ਚੌਥੀ ਜਮਾਤ ਵਿੱਚ ਪੜ•ਨ ਵਾਲੇ ਹੇਮਨਵੀਰ ਸਿੰਘ ਨੇ ਅੱਠਵਾਂ ਸਥਾਨ, ਸਾਕਸ਼ੀ ਏਰੀ ਨੇ ਛੇਵਾਂ ਸਥਾਨ, ਦਿਵਿਆਂਸ਼ ਸ਼੍ਰੀਵਾਸਤਵ, ਰਿਧੀ ਢੀਂਗਰਾ, ਵਸ਼ਿਸ਼ਠ, ਸਿਧਾਂਤ ਸ਼ਰਮਾ, ਸਮਰਿੱਧੀ ਅਤੇ ਕੇਸ਼ਵ ਨੇ ਦੱਸਵਾਂ ਗਲੋਬਲ ਰੈਂਕ ਹਾਸਿਲ ਕੀਤਾ। ਵਿਦਿਆਰਥੀਆਂ ਨੂੰ ਪ੍ਰਮਾਣ-ਪੱਤਰ ਵੀ ਆਨ-ਲਾਈਨ ਹੀ ਪ੍ਰਾਪਤ ਹੋਏ। ਇਸ ਸ਼ਾਨਦਾਰ ਸਫਲਤਾ ਤੇ ਇੰਨੋਸੈਂਟ ਹਾਰਟਸ ਦੇ ਸਕੱਤਰ ਡਾਕਟਰ ਅਨੂਪ ਬੌਰੀ ਨੇ ਵਿਦਿਆਰਥੀਆਂ ਅਤੇ ਉਨਹਾਂ ਦੇ ਮਾਤਾ-ਪਿਤਾ ਨੂੰ ਵਧਾਈ ਦਿੱਤੀ ਅਤੇ ਭਵਿੱਖ ਵਿੱਚ ਇਸੇ ਪ੍ਰਕਾਰ ਅੱਗੇ ਵੱਧਣ ਲਈ ਪ੍ਰੇਰਿਤ ਕੀਤਾ। ਉਹਨਾਂ ਨੇ ਦੱਸਿਆ ਕਿ ਇੰਨੋਸੈਂਟ ਹਾਰਟਸ ਦੀ ਮੈਨੇਜਮੈਂਟ ਬੱਚਿਆਂ ਦੇ ਸਰਵ-ਪੱਖੀ ਵਿਕਾਸ ਦੇ ਲਈ ਹਮੇਸ਼ਾ ਯਤਨਸ਼ੀਲ ਹੈ। ਡਿਜੀਟਲ ਅਧਿਐਨ ਸਮੇਂ ਦੀ ਮੰਗ ਹੈ। ਬੱਚਿਆਂ ਨੂੰ ਇਸ ਪ੍ਰਕਾਰ ਦੀ ਪ੍ਰੀਖਿਆ ਲਈ ਵੀ ਤਿਆਰ ਕੀਤਾ ਜਾਂਦਾ ਹੈ।