ਇਨੋਸੈਂਟ ਹਾਰਟਸ ਸਕੂਲ ਗ੍ਰੀਨ ਮਾਡਲ ਟਾਊਨ ਦੇ ਵਿਦਿਆਰਥੀ ਵੰਸ਼ ਵਾਸੁਦੇਵ ਅਤੇ ਸ਼ਰੇਯਾ ਵਾਸੁਦੇਵ ਨੇ ਜਲੰਧਰ ਸਹੋਦਯਾ ਇੰਡੀਪੇਂਡਨਟ ਸਕੂਲ ਤਾਈਕਵਾਂਡੋ ਮੁਕਾਬਲੇ ਵਿੱਚ ਇਕ ਵਾਰ ਫਿਰ ਤੋਂ ਸੋਨ ਤਗਮੇ ਜਿੱਤ ਦੇ ਸਕੂਲ ਦਾ ਨਾਂ ਰੌਸ਼ਨ ਕੀਤਾ ਹੈ। ਵੰਸ਼ ਵਾਸੁਦੇਵ ਨੌਵੀਂ ਜਮਾਤ ਦਾ ਵਿਦਿਆਰਥੀ ਹੈ ਅਤੇ ਸ਼ਰੇਯਾ ਵਾਸੁਦੇਵ ਚੌਥੀ ਜਮਾਤ ਵਿੱਚ ਪੜਦੀ ਹੈ। ਦੋਵੇਂ ਭੈਣ-ਭਰਾ ਜ਼ਿਲਾ ਪਧੱਰੀ ਅਤੇ ਰਾਜ ਪਧੱਰੀ ਤਾਈਕਵਾਂਡੋ ਵਿੱਚ ਪਹਿਲਾਂ ਵੀ ਕਈ ਪਦਕ ਜਿੱਤ ਕੇ ਸਕੂਲ ਦਾ ਨਾਂ ਰੌਸ਼ਨ ਕਰ ਚੁੱਕੇ ਹਨ। ਵੰਸ਼ ਨੇ ਅੰਡਰ-17 ਵਰਗ ਅਤੇ ਅੰਡਰ-45 ਕਿਲੋਗ੍ਰਾਮ ਭਾਰ ਦੇ ਤਹਿਤ ਮੁਕਾਬਲੇ ਵਿੱਚ ਜਿੱਤ ਪ੍ਰਾਪਤ ਕੀਤੀ ਜਦਕਿ ਸ਼ਰੇਯਾ ਨੇ ਅੰਡਰ-14 ਵਰਗ ਅਤੇ ਅੰਡਰ-28 ਕਿਲੋਗ੍ਰਾਮ ਭਾਰ ਦੇ ਤਹਿਤ ਮੁਕਾਬਲਾ ਜਿੱਤ ਲਿਆ। ਦੋਵੇਂ ਹੋਨਹਾਰ ਵਿਦਿਆਰਥੀ ਹਨ ਅਤੇ ਖੇਡਾਂ ਦੇ ਨਾਲ-ਨਾਲ ਪੜਾਈ ਵਿੱਚ ਵੀ ਹਮੇਸ਼ਾ ਅੱਗੇ ਰਹਿੰਦੇ ਹਨ। ਦੋਹਾਂ ਦੀ ਇਸ ਸ਼ਾਨਦਾਰ ਜਿੱਤ ਤੇ ਡਾਇਰੈਕਟਰ ਪ੍ਰਿੰਸੀਪਲ ਧੀਰਜ ਬਨਾਤੀ ਅਤੇ ਵਾਈਸ ਪ੍ਰਿੰਸੀਪਲ ਸ਼ਰਮੀਲਾ ਨਾਕਰਾ ਨੇ ਖੇਡ ਇੰਚਾਰਜ ਸੰਜੀਵ ਭਾਰਦਵਾਜ ਅਤੇ ਕੋਚ ਹਰਪ੍ਰੀਤ ਸਿੰਘ ਰੰਧਾਵਾ ਨੂੰ ਵਧਾਈ ਦਿੱਤੀ। ਸਕੂਲ ਦੀ ਮੈਨਜਮੈਂਟ ਨੇ ਵੰਸ਼ ਅਤੇ ਸ਼ਰੇਯਾ ਨੂੰ ਵਧਾਈ ਦਿੰਦੇ ਹੋਏ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਹ ਮੁਕਾਬਲਾ ਬੇਰੀ ਗਲੋਬਲ ਸਕੂਲ ਡਿਸਕਵਰ ਮਲਸੀਆਂ ਵਿਖੇ ਹੋਈ। ਬੌਰੀ ਮੈਮੋਰੀਅਲ ਐਜੁਕੇਸ਼ਨਲ ਐਂਡ ਮੈਡੀਕਲ ਟਰਸਟ ਦੇ ਅਕਾਦਮਿਕ ਸਕੱਤਰ ਡਾ. ਅਨੂਪ ਬੌਰੀ ਨੇ ਵੰਸ਼ ਅਤੇ ਸ਼ਰੇਯਾ ਨੂੰ ਵਧਾਈ ਦਿੰਦੇ ਹੋਏ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਭਰੋਸਾ ਦਿੱਤਾ ਕਿ ਦੋਹਾਂ ਵਿਦਿਆਰਥੀਆਂ ਨੂੰ ਟਿਊਸ਼ਨ ਫੀਸ ਵਿੱਚ ਰਾਹਤ ਦਿੱਤੀ ਜਾਵੇਗੀ।