ਇਨੋਸੈਂਟ ਹਾਰਟਸ ਸਕੂਲ ਗ੍ਰੀਨ ਮਾਡਲ ਟਾਊਨ, ਲੋਹਾਰਾਂ ਅਤੇ ਰਾਇਲ ਵਰਲਡ ਬ੍ਰਾਂਚ ਵਿਖੇ
ਦੀਵਾਲੀ ਦੇ ਮੌਕੇ ਰੰਗੋਲੀ ਮੁਕਾਬਲਾ ਕਰਵਾਇਆ ਗਿਆ। ਸਾਰੀਆਂ ਬ੍ਰਾਂਚਾਂ ਦੇ ਵਿਦਿਆਰਥੀਆਂ
ਨੇ ਇਸ ਮੁਕਾਬਲੇ ਵਿੱਚ ਬਹੁਤ ਉਤਸਾਹ ਨਾਲ ਭਾਗ ਲਿਆ। ਵਿਦਿਆਰਥੀਆਂ ਨੇ ਵੱਖ-ਵੱਖ ਵਿਸ਼ਿਆਂ
ਜਿਵੇਂ- ਨਾਰੀ ਸਸ਼ਕਤੀਕਰਨ, ਬਾਲ ਮਜ਼ਦੂਰੀ, ਬੇਟੀਆਂ ਦੀ ਸਿੱਖਿਆ, ਧਰਮ ਦਾ ਅਧਾਰ ਪ੍ਰੇਮ ਹੈ
ਨਾ ਕਿ ਯੁੱਧ, ਸ਼ਰਾਬ ਦੇ ਸੇਵਨ ਨੂੰ ਨਾ, ਸਵੱਛ ਭਾਰਤ ਆਦਿ ਨੂੰ ਰੰਗੋਲੀ ਵਿੱਚ ਆਪਣਾ
ਅਧਾਰ ਬਣਾਇਆ। ਵਿਦਿਆਰਥੀਆਂ ਨੇ ਰੰਗਾਂ ਦੇ ਮਿਸ਼ਰਣ ਨਾਲ ਸੁੰਦਰ ਰੰਗੋਲੀ ਬਣਾਈ।
ਵਿਦਿਆਰਥੀਆਂ ਦੀ ਇਸ ਰਚਨਾਤਮਕਤਾ ਲਈ ਜਜਾਂ ਸਮੇਤ ਸਭ ਨੇ ਉਹਨਾਂ ਦੀ ਸ਼ਲਾਘਾ ਕੀਤੀ। ਇਸ
ਮੁਕਾਬਲੇ ਵਿੱਚ ਸੰਜਨਾ, ਰਿਧਮ, ਈਸ਼ਾ, ਮੁਸਕਾਨ (ਜੀ.ਐਮ.ਟੀ.), ਗੁੰਜਨ, ਪਲੱਵੀ, ਪ੍ਰਬਲ,
ਨਵਿਆ (ਲੋਹਾਰਾਂ), ਗੁੰਜਨ, ਸੁਨੈਨਾ, ਸ਼ਾਇਨਾ, ਰਾਧਾ, ਪ੍ਰਭਸਿਮਰਤ (ਰਾਇਲ ਵਰਲਡ) ਪਹਿਲੇ
ਸਥਾਨ ਤੇ ਰਹੇ। ਡਾਇਰੈਕਟਰ ਪ੍ਰਿੰਸੀਪਲ ਆਫ ਸਕੂਲਜ਼ ਧੀਰਜ ਬਨਾਤੀ ਨੇ ਵਿਦਿਆਰਥੀਆਂ ਦੀ
ਕਲਾਤਮਕ ਸੋਚ ਲਈ ਉਹਨਾਂ ਦੀ ਸ਼ਲਾਘਾ ਕੀਤੀ। ਉਹਨਾਂ ਬੱਚਿਆਂ ਨੂੰ ਪ੍ਰਦੂਸ਼ਣ ਰਹਿਤ ਦੀਵਾਲੀ
ਮਨਾਉਣ ਲਈ ਵੀ ਪ੍ਰੇਰਿਤ ਕੀਤਾ।