ਇੰਨੋਕਿਡਜ਼ ਵਿੱਚ ਨਰਸਰੀ ਦੇ ਨਵੇਂ ਬੱਚਿਆਂ ਦਾ ਸ਼ਾਨਦਾਰ ਸੁਆਗਤ

ਇੰਨੋਸੈਂਟ ਹਾਰਟਸ ਦੇ ਇੰਨੋਕਿਡਜ਼ (ਗ੍ਰੀਨ ਮਾਡਲ ਟਾਊਨ ਅਤੇ ਲੋਹਾਰਾਂ ਬ੍ਰਾਂਚ) ਵਿੱਚ ਸਾਲ 2019-20 ਵਿੱਚ ਦਾਖਿਲਾ ਲੈਣ ਵਾਲੇ ਨਰਸਰੀ ਦੇ ਬੱਚਿਆਂ ਦਾ ਇੰਨੋਕਿਡਜ਼ ਦੀਆਂ ਅਧਿਆਪਕਾਵਾਂ ਨੇ ਭਰਪੂਰ ਸੁਆਗਤ ਕੀਤਾ। ਨੰਣੇ-ਮੁੰਨੇ ਬੱਚਿਆਂ ਨੇ ਹੱਸਦੇ-ਮੁਸਕਰਾਉਂਦੇ ਸਿੱਖਿਆ ਦੀ ਪੌੜੀ ਉੱਤੇ ਪਹਿਲਾ ਕਦਮ ਰੱਖਿਆ। ਸਾਲ 2018-19 ਦੇ ਨਰਸਰੀ ਦੇ ਬੱਚਿਆਂ ਨੇ ਨਵੇਂ ਬੱਚਿਆਂ ਨੂੰ 'ਵੈਲਕਮ' ਕਿਹਾ। ਥੌੜ•ੀ ਹੀ ਦੇਰ ਵਿੱਚ ਬੱਚੇ ਸਕੂਲ ਦੇ ਮਾਹੌਲ ਵਿੱਚ ਰਚ-ਮਿਚ ਗਏ। ਬੱਚਿਆਂ ਨੂੰ ਟਾਫ਼ੀਆਂ ਵੰਡੀਆਂ ਗਈਆਂ ਅਤੇ ਸਮਾਇਲੀ ਵੀ ਵੰਡੀ ਗਈ, ਜਿਸ ਉੱਤੇ ਅਧਿਆਪਕਾਵਾਂ ਨੇ ਖੁਦ ਉਹਨਾਂ ਲਈ ਕੋਟਸ ਲਿਖੀਆਂ। 'ਵੈਲਕਮ-ਟੂ-ਇੰਨੋਕਿਡਜ਼', 'ਸੇ ਚੀਜ਼', 'ਗੈਟ ਰੈਡੀ ਫਾਰ ਕਲਰਫੁੱਲ ਈਅਰ' ਆਦਿ ਲਿਖੀਆਂ ਹੋਈਆਂ ਸਮਾਇਲੀ ਜੱਦ ਬੱਚਿਆਂ ਨੂੰ ਦਿੱਤੀਆਂ ਗਈਆਂ, ਤਾਂ ਉਹਨਾਂ ਦੀ ਮੁਸਕੁਰਾਹਟ ਦੁੱਗੁਣੀ ਹੋ ਗਈ। ਇੰਨੋਕਿਡਜ਼ ਇੰਚਾਰਜ ਗੁਰਮੀਤ ਕੌਰ (ਜੀ.ਐੱਮ.ਟੀ.), ਅਲਕਾ ਅਰੋੜਾ (ਲੋਹਾਰਾਂ) ਨੇ ਦੱਸਿਆਂ ਕਿ ਬੱਚੇ ਕੁਝ ਹੀ ਦਿਨਾਂ ਵਿੱਚ ਖੁਦ ਨੂੰ ਸਕੂਲ ਦੇ ਮਾਹੌਲ ਦੇ ਮੁਤਾਬਿਕ ਢਾਲ ਲੈਂਦੇ ਹਨ, ਕਿਉਂਕਿ ਅਧਿਆਪਕਾਵਾਂ ਉਹਨਾਂ ਨੂੰ ਬਹੁਤ ਪਿਆਰ ਦਿੰਦੀਆਂ ਹਨ। ਇੰਨੋਕਿਡਜ਼ ਵਿੱਚ ਬੱਚਿਆਂ ਨੂੰ ਪੜ•ਾਈ ਦੇ ਨਾਲ ਬਹੁਤ ਗਤੀਵਿਧੀਆਂ ਕਰਵਾਈਆਂ ਜਾਂਦੀਆਂ ਹਨ। ਉਹਨਾਂ ਨੂੰ ਪੌਸ਼ਟਿਕ ਭੋਜਨ ਦੇ ਫ਼ਾਇਦੇ ਦੱਸੇ ਜਾਂਦੇ ਹਨ, ਤਾਂ ਕਿ ਉਹ ਬਚਪਨ ਤੋਂ ਹੀ ਹਰੀਆਂ ਸਬਜ਼ੀਆਂ ਖਾਣੀਆਂ ਸਿਖ ਜਾਣ। ਉਹਨਾਂ ਨੂੰ ਟੇਬਲ ਮੈਨਰਸ ਵੀ ਸਿਖਾਏ ਜਾਂਦੇ ਹਨ। ਸਕੂਲ ਵਿੱਚ ਹਰੇਕ ਤਿਉਹਾਰ ਮਨਾਇਆ ਜਾਂਦਾ ਹੈ ਤਾਂ ਕਿ ਬੱਚਿਆਂ ਨੂੰ ਆਪਣੇ ਸਭਿਆਚਾਰ ਬਾਰੇ ਵੀ ਪੂਰੀ ਜਾਣਕਾਰੀ ਮਿਲ ਸਕੇ। ਬੱਚਿਆਂ ਦਾ ਮਨੋਵਿਗਿਆਨ ਸਮਝਣ ਲਈ ਮਾਤਾ-ਪਿਤਾ ਦੇ ਲਈ ਵੀ ਸਮੇਂ-ਸਮੇਂ ਸਿਰ ਸੈਮੀਨਾਰ ਕਰਵਾਏ ਜਾਂਦੇ ਹਨ। ਬੱਚਿਆਂ ਦੇ ਸਰਬਪੱਖੀ ਵਿਕਾਸ ਉੱਤੇ ਧਿਆਨ ਦਿੱਤਾ ਜਾਂਦਾ ਹੈ।