ਇਨੋਸੈਂਟ ਹਾਰਟਸ ਸਕੂਲ ਦੇ ਈਕੋ ਕਲੱਬ ਦੇ ਵਿਦਿਆਰਥੀਆਂ ਨੇ ਦੇਸ਼ ਦੀ ਆਜ਼ਾਦੀ ਦੀ ਖਾਤਰ ਸ਼ਹੀਦ ਹੋਣ ਵਾਲਿਆਂ ਦੇ ਨਾਂ ਦੇ ਬੂਟੇ ਲਗਾ ਕੇ ਉਹਨਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਇਨੋਸੈਂਟ ਹਾਰਟਸ ਦੀਆਂ ਸਾਰੀਆਂ ਬ੍ਰਾਂਚਾਂ ਦੇ ਵਿਦਿਆਰਥੀਆਂ ਨੇ ਆਜ਼ਾਦੀ ਦਾ ਹਫਤਾ ਮਨਾਂਉਦੇ ਹੋਏ ਗੁਣਕਾਰੀ ਮੈਡੀਸਨ ਬੂਟੇ ਲਗਾਏ। ਇਹਨਾਂ ਬੂਟਿਆਂ ਦਾ ਲਗਾਉਣਾ ਨਾ ਸਿਰਫ ਵਾਤਾਵਰਣ ਦੀ ਦੇਖਭਾਲ ਕਰਨਾ ਹੈ ਸਗੋਂ ਸਾਡੀ ਆਜਾਦੀ ਲਈ ਉਨ•ਾਂ ਜਿੰਮੇਵਾਰੀਆਂ ਦੀ ਯਾਦ ਕਰਾਉਣਾ ਹੈ, ਜਿਨ•ਾਂ ਦੀ ਛਾਪ ਉਹ ਸ਼ਹੀਦ ਆਪਣੇ ਕੰਮਾਂ ਨਾਲ ਸਾਡੇ ਮਨ ਤੇ ਛੱਡ ਗਏ ਹਨ। ਅਜਿਹਾ ਕਰਨ ਨਾਲ ਅੱਜ ਦੀ ਯੁਵਾ-ਪੀੜੀ ਸ਼ਹੀਦ ਭਗਤ ਸਿੰਘ, ਸ਼ਹੀਦ ਉਧਮ ਸਿੰਘ, ਰਾਜਗੁਰੂ, ਸੁਖਦੇਵ, ਲਾਲਾ ਲਾਜਪਤ ਰਾਏ, ਕਰਤਾਰ ਸਿੰਹ ਸਰਾਭਾ ਵਰਗੇ ਸੂਰਮਿਆਂ ਦੇ ਕੰਮਾਂ ਨੂੰ ਹਮੇਸ਼ਾ ਆਪਣੇ ਦਿਲੋ-ਦਿਮਾਗ ਵਿੱਚ ਰੱਖੇਗੀ। ਇਸ ਪ੍ਰਕਾਰ ਉਹ ਸਮਾਜ ਦੀ ਸੇਵਾ ਕਰਦੇ ਹੋਏ ਆਪਣੇ ਵਾਤਾਵਰਣ ਦੇ ਨਾਲ ਜੁੜ ਕੇ ਉਸਨੂੰ ਹਮੇਸ਼ਾ ਸਾਫ ਅਤੇ ਹਰਾ-ਭਰਾ ਬਨਾਉਣ ਵਿੱਚ ਯਤਨਸ਼ੀਲ ਰਹਿਣਗੇ। ਉਹ ਇਹਨਾਂ ਬੂਟਿਆਂ ਦੇ ਲਾਭ ਜਾਣਦੇ ਹੋਏ ਕੁਦਰਤ ਦੀ ਸਾਂਭ-ਸੰਭਾਲ ਲਈ ਹਮੇਸ਼ਾ ਤਿਆਰ ਰਹਿਣਗੇ। ਡਾਇਰੈਕਟਰ ਪ੍ਰਿੰਸੀਪਲ ਆਫ ਸਕੂਲਜ਼ ਧੀਰਜ ਬਨਾਤੀ ਅਤੇ ਵਾਈਸ ਪ੍ਰਿੰਸੀਪਲ ਤੇ ਕਲਚਰਲ ਮੁੱਖੀ ਸ਼ਰਮੀਲਾ ਨਾਕਰਾ ਨੇ ਵਿਦਿਆਰਥੀਆਂ ਨੂੰ ਬੂਟੇ ਲਗਾਉਣ ਅਤੇ ਕੁਦਰਤ ਦੀ ਸਾਂਭ-ਸੰਭਾਲ ਲਈ ਪ੍ਰੇਰਿਤ ਕੀਤਾ।
